അന്തര്ദേശീയം
പെഗാസസ് ഫോണ് ചോര്ത്തല്: കേന്ദ്രത്തിന്റെ സത്യവാങ്മൂലം വ്യക്തമാകുന്നില്ലെന്ന് സുപ്രീംകോടതി
ന്യൂഡല്ഹി: പെഗാസസ് ഫോണ് ചോര്ത്തല് കേസില് ആരോപണങ്ങള് തള്ളിക്കൊണ്ട് കേന്ദ്രസര്ക്കാര് സുപ്രീംകോടതിയില് സത്യവാങ്മൂലം നല്കിയെങ്കിലും പറയാനുള്ള കാര്യങ്ങള് വ്യക്തമായി പറഞ്ഞിട്ടില്ലെന്ന് സുപ്രീംകോടതി. കോടതിക്ക് കൃത്യമായ വിവരങ്ങള് വേണമെന്നും കേന്ദ്രം നല്കിയ സത്യവാങ്മൂലം അംഗീകരിക്കാനാകില്ല എന്നാണ് ഹര്ജിക്കാര് വാദിക്കുന്നതെന്നും ചീഫ് ജസ്റ്റിസ് പറഞ്ഞു. ദേശീയ സുരക്ഷയെ ബാധിക്കുന്ന രീതിയിലേക്ക് കാര്യങ്ങള് കൊണ്ടു പോകാനാകില്ല എന്നാണ് ഇതിനു മറുപടിയായി കേന്ദ്രസര്ക്കാര് അറിയിച്ചിരിക്കുന്നത്. കേന്ദ്രസര്ക്കാര് പെഗാസസ് വാങ്ങിയോ ഉപയോഗിക്കുന്നുണ്ടോ എന്ന് പറയുന്നതില് എന്ത് സുരക്ഷാ ഭീഷണിയെന്നാണ് കോടതി ചോദിക്കുന്നത്.
