കല-സാഹിത്യം
ഗ്രാന് പ്രീ പുരസ്കാരം നേടി: ‘ഓള് വി ഇമാജിന് ആസ് ലൈറ്റ്’
ന്യുഡല്ഹി: കാന് ചലച്ചിത്രമേളയില് ഗ്രാന് പ്രീ പുരസ്കാരം നേടി പായല് കപാഡിയയുടെ ‘ഓള് വി ഇമാജിന് ആസ് ലൈറ്റ്’. മലയാള താരങ്ങളായ കനി കുസൃതിയും ദിവ്യ പ്രഭയും പ്രധാന വേഷങ്ങളിലെത്തിയ ചിത്രമാണ് ഓള് വി ഇമാജിന് ആസ് ലൈറ്റ്. മൂന്ന് പതിറ്റാണ്ടിനുശേഷമാണ് ഒരു ഇന്ത്യന് ചിത്രം കാന് ഫെസ്റ്റിവല് വേദിയിലേക്കെത്തുന്നത്. ഷാജി എന്. കരുണ് സംവിധാനം ചെയ്ത് 1994ല് പുറത്തിറങ്ങിയ ‘സ്വം’ ആണ് ഇതിനുമുമ്പ് കാന് ചലച്ചിത്രമേളയില് പാം ഡിയോര് പുരസ്കാരത്തിനായി മത്സരിച്ചത്.
മുംബൈയില് താമസിക്കുന്ന രണ്ട് നഴ്സുമാരായ പ്രഭയുടെയും അനുവിന്റെയും പ്രണയ ബന്ധങ്ങളിലെ പ്രശ്നങ്ങളാണ് ‘ഓള് വി ഇമാജിന് ആസ് ലൈറ്റ്’ പറയുന്നത്. കനിക്കും ദിവ്യയ്ക്കുമൊപ്പം അസീസ് ഹനീഫ, ഹൃദു ഹാറൂണ്, ലവ്ലീന് മിശ്ര, ഛായ കദം എന്നിവരും ചിത്രത്തില് പ്രധാന വേഷത്തിലെത്തി.
