കേരളം
ദേവസ്വം ബോര്ഡിന്റെ കാലാവധി: ഓര്ഡിനന്സില് ഒപ്പുവെക്കരുതെന്ന് രാജീവ് ചന്ദ്രശേഖര്
തിരുവനന്തപുരം: തിരുവിതാംകൂര് ദേവസ്വം ബോര്ഡിന്റെ കാലാവധി നീട്ടുന്നത് സംബന്ധിച്ച ഓര്ഡിനന്സില് ഒപ്പുവെക്കരുതെന്ന് ഗവര്ണറോട് ആവശ്യപ്പെടുമെന്ന് ബി.ജെ.പി. സംസ്ഥാന അധ്യക്ഷന് രാജീവ് ചന്ദ്രശേഖര്. ശബരിമല സ്വര്ണക്കൊള്ളയില് ദേവസ്വം ബോര്ഡിന്റെ പല നടപടികളും സംശയാസ്പദമാണെന്നാണ് ഹൈക്കോടതിയുടെ വിലയിരുത്തല്. അതിരൂക്ഷ വിമര്ശനം ഹൈക്കോടതിയില് നിന്നുണ്ടായിട്ടും ആരോപണവിധേയരായ ബോര്ഡിന്റെ കാലാവധി ഒരു വര്ഷം കൂടി നീട്ടി നല്കാനാണ് സര്ക്കാരിന്റെ നീക്കമെന്നും രാജീവ് ചന്ദ്രശേഖര് പറഞ്ഞു.
സര്ക്കാര് പ്രതികളെ സംരക്ഷിക്കുന്നതിന്റെ ഭാഗമാണ് നിലവിലെ ദേവസ്വം ബോര്ഡ് ഭരണസമിതിക്ക് കാലാവധി നീട്ടി കൊടുക്കാനുള്ള നീക്കമെന്ന് കെ.പി.സി.സി. പ്രസിഡന്റ് സണ്ണി ജോസഫ് എം.എല്.എ. കുറ്റപ്പെടുത്തി. കാലാവധി നീട്ടി നില്ക്കുന്നതിന് പകരം ബോര്ഡ് പിരിച്ചുവിട്ടു കുറ്റക്കാരെ അറസ്റ്റ് ചെയ്തു തെളിവുകള് ശേഖരിക്കണമെന്നും സണ്ണി ജോസഫ് പറഞ്ഞു.
