കേരളം
ഇന്ന് യു.ഡി.എസ്. എഫിന്റെ സംസ്ഥാന വ്യാപക വിദ്യാഭ്യാസ ബന്ദ്
തിരുവനന്തപുരം: പി.എം. ശ്രീ പദ്ധതിയില് കേരളസര്ക്കാര് ഒപ്പിട്ടതില് പ്രതിഷേധിച്ച് ഇന്ന് യു.ഡി.എസ്. എഫിന്റെ സംസ്ഥാന വ്യാപക വിദ്യാഭ്യാസ ബന്ദ്. കെ.എസ്.യു., എം.എസ്.എഫ്. എന്നീ വിദ്യാര്ത്ഥി സംഘടനകളാണ് സംയുക്തമായ വിദ്യാഭ്യാസ ബന്ദിന് ആഹ്വാനം ചെയ്തത്.
യൂണിവേഴ്സിറ്റി, പൊതു പരീക്ഷകളെ വിദ്യാഭ്യാസ ബന്ദില് നിന്ന് ഒഴിവാക്കിയിട്ടുണ്ട് എന്ന് നേതാക്കള് അറിയിച്ചു. പി.എം. ശ്രീക്കെതിരെ യോജിച്ച പോരാട്ടങ്ങള് എന്ന നിലയിലാണ് സമരം യു.ഡി.എസ്.എഫിന്റെ പേരില് നടത്താന് തീരുമാനിച്ചത്. എല്ലാ ജില്ലാ കേന്ദ്രങ്ങളിലും പ്രതിഷേധവും സംഘടിപ്പിക്കും. പിന്നാലെ ഈ മാസം 31 ന് ദേദേശീയപാത ഉപരോധം സംഘടിപ്പിക്കാനും തീരുമാനിച്ചിട്ടുണ്ട്.
