കേരളം
ലഹരിക്കെതിരെ നാടുണരുന്നു; ശക്തമായ നടപടിക്ക് സര്ക്കാര്
തിരുവനന്തപുരം: ലഹരിക്കെതിരെ നാടുണരുന്നു. ശക്തമായ നടപടിക്ക് സര്ക്കാര്. സംസ്ഥാന വ്യാപക റെയ്ഡിന് സമഗ്ര പദ്ധതി തയ്യാറാക്കാന് പൊലീസ്എക്സൈസ് ഉന്നതതല യോഗത്തില് തീരുമാനമായി. എ.ഡി.ജി.പി. മനോജ് എബ്രഹാമിനാണ് ഏകോപന ചുമതല. എക്സൈസ് കമ്മീഷണറും നോഡല് ഓഫീസറാകും. ഇരു വകുപ്പുകളും ചേര്ന്ന് ലഹരി മാഫിയ സംഘത്തിന്റെ സമഗ്രമായ ഡേറ്റാ ബേസ് തയ്യാറാക്കും. അന്തര് സംസ്ഥാന ബസുകളിലും വാഹനങ്ങളിലും സംയുക്ത പരിശോധന നടത്തും.
സംസ്ഥാനത്ത് ലഹരി വ്യാപകമാകുന്ന പശ്ചാത്തലത്തില് മുഖ്യമന്ത്രി ഉന്നതതലയോഗം വിളിച്ചു. ഈ മാസം 24 നാണ് യോഗം. മന്ത്രിമാരും പൊലീസ്എക്സൈസ് ഉന്നത ഉദ്യോഗസ്ഥരും യോഗത്തില് പങ്കെടുക്കും. ലഹരിക്കെതിരെ ഇതുവരെ സ്വീകരിച്ച നടപടികളും ഇനി തുടങ്ങുന്ന നടപടികളും യോഗത്തില് തീരുമാനിക്കും. കോളേജ് ഹോസ്റ്റലിലടക്കം കഞ്ചാവ് പിടികൂടിയ സാഹചര്യത്തില് സംയുക്ത ഓപ്പറേഷന് പൊലീസും എക്സൈസും തീരുമാനമെടുത്തിട്ടുണ്ട്.
ലഹരി മാഫിയയുടെ പിടിയില് നിന്ന് നാടിനെ മോചിപ്പിക്കാനുള്ള പരിശ്രമത്തിന് കൂടുതല് ശക്തി പകരാന് പുതിയ സേനാംഗങ്ങള്ക്കാകണമെന്ന് മുഖ്യമന്ത്രി പിണറായി വിജയന് അഭ്യര്ത്ഥിച്ചു. കേരള പൊലീസ് അക്കാദമിയില് പരിശീലനം പൂര്ത്തിയാക്കിയ 31 ബിബാച്ചിലെ 118 സബ്ഇന്സ്പെക്ടര് പരിശീലനാര്ത്ഥികളുടെ പാസിംഗ്ഔട്ട് പരേഡിന് അഭിവാദ്യം സ്വീകരിച്ച ശേഷം സംസാരിക്കുകയായിരുന്നു അദ്ദേഹം.
അതേസമയം, രാജ്യത്ത് വിവിധ ഇടങ്ങളിലായി 163 കോടിയുടെ ലഹരി വേട്ട നടന്നു. ഗുവാഹത്തി, ഇംഫാല് സോണുകളില് നിന്ന് 88 കോടിയുടെ ലഹരിമരുന്ന് നാര്ക്കോട്ടിക്സ് കണ്ട്രോള് ബ്യൂറോ പിടികൂടി.അന്താരാഷ്ട്ര ലഹരിക്കടത്ത് സംഘങ്ങള്ക്കെതിരെ നടപടി കടുപ്പിക്കുന്നതിന്റെ ഭാഗമായിട്ടാണ് രാജ്യത്തെ വിവിധയിടങ്ങളില് പൊലീസ് അടക്കം ഏജന്സികള് ലഹരിവേട്ട സജീവമാക്കിയിരിക്കുന്നത്. ലഹരിമുക്ത ഭാരതമെന്ന കേന്ദ്രസര്ക്കാര് നടപടിക്ക് ശക്തിപകരുന്ന നടപടിയെന്ന് വ്യക്തമാക്കിയ കേന്ദആഭ്യന്തരമന്ത്രി അമിത് ഷാ നാര്ക്കോട്ടിക്സ് കണ്ട്രോള് ബ്യൂറോ സംഘത്തെ അഭിനന്ദിച്ചു.
