കേരളം
പെണ്കുട്ടിയെ തള്ളിയിട്ട സംഭവം: സി.സി.ടി.വി ദൃശ്യങ്ങള് പോലീസിന് ലഭിച്ചു
തിരുവനന്തപുരം: വര്ക്കലയില് ട്രെയിനില് നിന്നും പെണ്കുട്ടിയെ തള്ളിയിട്ട സംഭവത്തില് സി.സി.ടി.വി ദൃശ്യങ്ങള് പൊലീസിന് ലഭിച്ചു. കേരള എക്സ്പ്രസിലെ ദൃശ്യങ്ങളാണ് പൊലീസിന് ലഭിച്ചത്. രണ്ട് പെണ്കുട്ടികളും ട്രെയിനിന്റെ വാതില് ഭാഗത്ത് ഇരിക്കുന്നത് ദൃശൃങ്ങളില് കാണാമെന്ന് പൊലീസ് പറയുന്നു. പ്രതിയായ സുരേഷ് കുമാര് ശ്രീക്കുട്ടിയെ ചവിട്ടിതള്ളിയിടുന്നത് ദൃശ്യങ്ങളില് വ്യക്തമാണ്. രണ്ടാമത്തെ പെണ്കുട്ടിയെയും പ്രതി ഉപദ്രവിക്കാന് ശ്രമിക്കുന്നതും ദൃശ്യങ്ങളിലുണ്ട്.
അതേസമയം, പത്തൊമ്പതുകാരി ശ്രീക്കുട്ടിയുടെ നില ഗുരുതരമായി തുടരുന്നു. തിരുവനന്തപുരം മെഡിക്കല് കോളെജ് ആശുപത്രിയിലെ തീവ്രപരിചരണ വിഭാഗത്തില് ചികിത്സയില് തുടരുകയാണ് ശ്രീക്കുട്ടി. തലക്കും നട്ടെല്ലിനും ഗുരുതരമായി പരിക്കേറ്റ ശ്രീക്കുട്ടിയുടെ ആരോഗ്യനില മാറ്റമില്ലാതെ തുടരുകയാണ്.
