കേരളം
സൂപ്പര് താരങ്ങള്ക്ക് ആശാ പ്രവര്ത്തകരുടെ തുറന്ന കത്ത്
തിരുവനന്തപുരം: അതിദാരിദ്ര്യ വിമുക്ത കേരള പ്രഖ്യാപനത്തില് പങ്കെടുക്കരുതെന്ന് മോഹന്ലാലിനും മമ്മൂട്ടിക്കും കമല്ഹാസനും സമരം ചെയ്യുന്ന ആശാ പ്രവര്ത്തകരുടെ തുറന്ന കത്ത്. നവംബര് ഒന്നിന് നടക്കാനിരിക്കുന്ന അതിദാരിദ്ര്യ വിമുക്ത കേരള പ്രഖ്യാപനത്തില് പങ്കെടുക്കാന് ഇവര് ക്ഷണിക്കപ്പെട്ടിരിക്കുന്ന സാഹചര്യത്തിലാണ് ആശാ പ്രവര്ത്തകരുടെ കത്ത്. അതിദാരിദ്ര്യ വിമുക്ത കേരളത്തിന്റെ പ്രഖ്യാപന ചടങ്ങില് പങ്കെടുക്കുക വഴി നിങ്ങള് ആ വലിയ നുണയുടെ പ്രചാരകരായി മാറും എന്നതില് തര്ക്കമില്ലെന്നും അതുകൊണ്ട് ചടങ്ങില് നിന്ന് വിട്ടു നില്ക്കണമെന്നും ആശാ പ്രവര്ത്തകര് ആവശ്യപ്പെട്ടു. മൂന്നു നേരം ഭക്ഷണം കഴിക്കാനില്ലാത്ത, മക്കളെ പഠിപ്പിക്കാന് കഴിയാത്ത, മാരകരോഗം വന്നാല് അതിജീവിക്കാന് കെല്പ്പില്ലാത്ത, കടക്കെണിയില് കുടുങ്ങിയ അതിദരിദ്രരാണ് തങ്ങളെന്നും കത്തില് പറയുന്നു
