ദേശീയം
കര്ണാടകയില് വന് ബാങ്ക് കൊള്ള
കര്ണാടക: കര്ണാടകയില് വന് ബാങ്ക് കൊള്ള. വിജയപുര ജില്ലയിലെ എസ്.ബി.ഐ. ശാഖയിലാണ് കവര്ച്ച നടന്നത്. ഇന്നലെ വൈകീട്ട് 7.30ഓടെയായിരുന്നു സംഭവം. എട്ടു കോടി രൂപയും 50 പവന് സ്വര്ണവുമാണ് കൊള്ളയടിക്കപ്പെട്ടത്. ബാങ്ക് അടയ്ക്കാന് നേരത്ത് സൈനിക യൂണിഫോമിലെത്തിയ കവര്ച്ച സംഘം ബാങ്കിലെ മാനേജരെയും ജീവനക്കാരെയും കെട്ടിയിട്ട ശേഷമാണ് കവര്ച്ച നടത്തിയത്. ഒമ്പതോളം പേര് സംഘത്തിലുണ്ടായിരുന്നുവെന്നാണ് ജീവനക്കാര് നല്കുന്ന വിവരം. ഇവര് മുഖം മറച്ചിരുന്നു. കൈയില് തോക്കും മറ്റ് മാരകായുധങ്ങളും ഉണ്ടായിരുന്നുവെന്നും ജീവനക്കാര് പറഞ്ഞു.
