കേരളം
ചികിത്സ ലഭിക്കാതെ രോഗി മരിച്ചെന്ന പരാതിയില് റിപ്പോര്ട്ട് തേടി ആരോഗ്യമന്ത്രി
തിരുവനന്തപുരം: തിരുവനന്തപുരം മെഡിക്കല് കോളേജില് മതിയായ ചികിത്സ ലഭിക്കാതെ രോഗി മരിച്ചെന്ന പരാതിയില് റിപ്പോര്ട്ട് തേടി ആരോഗ്യമന്ത്രി വീണാ ജോര്ജ്. പരാതി അടിയന്തരമായി അന്വേഷിച്ച് റിപ്പോര്ട്ട് സമര്പ്പിക്കാന് മെഡിക്കല് വിദ്യാഭ്യാസ വകുപ്പ് ഡയറക്ടര്ക്കാണ് ആരോഗ്യമന്ത്രി നിര്ദ്ദേശം നല്കിയത്. ബുധനാഴ്ചയാണ് കൊല്ലം പന്മന സ്വദേശിയായ ഓട്ടോ ഡ്രൈവര് വേണു മരിച്ചത്. ഹൃദ്രോഗ ബാധിതനായി എത്തിച്ച വേണുവിന് ആറുദിവസം കഴിഞ്ഞിട്ടും ആന്ജിയോഗ്രാം പോലും ചെയ്തില്ലെന്നാണ് കുടുംബം ആരോപിക്കുന്നത്
അതേസമയം, സംസ്ഥാനത്തെ സര്ക്കാര് മെഡിക്കല് കോളേജുകളിലെ സമഗ്ര സ്ട്രോക്ക് സെന്ററുകള്ക്ക് 18.87 കോടി രൂപയുടെ ഭരണാനുമതി നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. തിരുവനന്തപുരം, കോട്ടയം, തൃശൂര്, എറണാകുളം, കണ്ണൂര് എന്നീ 5 മെഡിക്കല് കോളേജുകളിലാണ് സ്ട്രോക്ക് സെന്ററുകള് വിപുലീകരിക്കുന്നത്.
