സിനിമ
ജി. മാരിമുത്തു അന്തരിച്ചു
ചെന്നൈ: ഹൃദയാഘാതത്തെ തുടര്ന്ന് തമിഴ് നടന് ജി. മാരിമുത്തു (58) അന്തരിച്ചു. രജനികാന്തിന്റെ ‘ജയിലറാ’ണ് മാരിമുത്തുവിന്റേതായി അവസാനമായി തിയേറ്ററുകളിലെത്തിയ ചിത്രം.
ടെലിവിഷന് സീരിയലായ ‘എതിര്നീച്ചലി’ന്റെ ഡബ്ബിങ് ചെയ്യുന്ന സമയത്ത് കുഴഞ്ഞു വീഴുകയായിരുന്ന മാരിമുത്തുവിനെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
തമിഴ്സിനിമയിലും ടെലിവിഷന് രംഗത്തും രണ്ടു പതിറ്റാണ്ടിലേറെയായി സഹസംവിധായകനായും അഭിനേതാവായും സംവിധായകനായും നിറഞ്ഞു നിന്ന വ്യക്തിയാണ് മാരിമുത്തു.
