ആർ. സുബ്ബലക്ഷ്മി അന്തരിച്ചു

നടിയും സംഗീതജ്‌ഞയുമായ ആർ.സുബ്ബലക്ഷ്മി അന്തരിച്ചു.  87 വയസ്സായിരുന്നു. പ്രശസ്ത നര്‍ത്തകിയും അഭിനേതാവുമായ താരാ കല്യാൺ മകളാണ്.  തിരുവനന്തപുരത്തെ ആശുപത്രിയിലായിരുന്നു അന്ത്യം. മുത്തശ്ശി വേഷങ്ങളിലൂടെയാണു ജനശ്രദ്ധ നേടിയത്.

കല്യാണരാമൻ, നന്ദനം, തിളക്കം തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്.  1951 ൽ ഓൾ ഇന്ത്യ റേഡിയോയിൽ പ്രവർത്തനം ആരംഭിച്ചു. തെന്നിന്ത്യയിലെ ഓൾ ഇന്ത്യ റേഡിയോയിലെ ആദ്യ വനിതാ കമ്പോസറായിരുന്നു.

കൊച്ചുമകൾ സൗഭാഗ്യയുടെ സോഷ്യൽ മീഡിയഅക്കൗണ്ട് പോസ്റ്റുകളിലൂടെയും കഴിഞ്ഞയിടെ വരെ സുബ്ബലക്ഷ്മി ഏറെ പ്രേക്ഷക ശ്രദ്ധ നേടിയിരുന്നു.