കേരളം
റോബിന് ബസിന് ഹൈക്കോടതി നല്കിയ ഇടക്കാല അനുമതി രണ്ടാഴ്ച കൂടി നീട്ടി
കൊച്ചി: മുന്കൂര് ബുക്ക് ചെയ്ത യാത്രക്കാരുമായി സര്വ്വീസ് നടത്താന് റോബിന് ബസിന് ഹൈക്കോടതി നല്കിയ ഇടക്കാല അനുമതി രണ്ടാഴ്ച കൂടി നീട്ടി. ബസ് ഉടമയുടെ അഭിഭാഷകന് മരിച്ച സാഹചര്യത്തില് പുതിയ അഭിഭാഷകനെ ചുമതലപ്പെടുത്താനുള്ള സാവകാശം കൂടി കണക്കിലെടുത്താണ് തീരുമാനം.
റോബിന് ബസ് നിയമ ലംഘനങ്ങള് തുടരുകയാണെന്ന് സര്ക്കാര് കോടതിയെ അറിയിച്ചു. നിയമ ലംഘനത്തിന് തമിഴ്നാട് സര്ക്കാര് നടപടിയെടുത്തതായി പത്രങ്ങളിലൂടെ അറിഞ്ഞെന്നും ഹൈക്കോടതി വ്യക്തമാക്കി. ഹര്ജി രണ്ടാഴ്ച കഴിഞ്ഞ് പരിഗണിക്കാന് മാറ്റി.
