കേരളം
നിമിഷപ്രിയ സമര്പ്പിച്ച അപ്പീല് യെമന് സുപ്രീം കോടതി തള്ളിയെന്ന് കേന്ദ്രം
ന്യൂഡല്ഹി: വധശിക്ഷയ്ക്കെതിരെ മലയാളി യുവതി നിമിഷപ്രിയ സമര്പ്പിച്ച അപ്പീല് യെമന് സുപ്രീം കോടതി തള്ളിയെന്ന് കേന്ദ്രം. ദില്ലി ഹൈക്കോടതിയിലാണ് കേന്ദ്രസര്ക്കാര് ഇക്കാര്യം അറിയിച്ചത്. നിമിഷപ്രിയയുടെ ശിക്ഷയില് ഇളവു നല്കണമെങ്കില് ഇനി യെമന് പ്രസിഡന്റിന് മാത്രമേ കഴിയൂ എന്നാണ് കേന്ദ്രസര്ക്കാര് ദില്ലി ഹൈക്കോടതിയില് അറിയിച്ചത്.
മോചനത്തിനായി യെമനിലേക്ക് പോകാന് അനുമതി തേടി നിമിഷപ്രിയയുടെ അമ്മ പ്രേമകുമാരി നല്കിയ ഹര്ജി പരിഗണിക്കുമ്പോഴാണ് കേന്ദ്രസര്ക്കാര് ഇക്കാര്യം അറിയിച്ചത്. നിമിഷപ്രിയയുടെ അമ്മയുടെ അപേക്ഷ കിട്ടിയാല് ഒരാഴ്ചയ്ക്കകം തീരുമാനമെടുക്കണമെന്ന് ദില്ലി ഹൈക്കോടതി നിര്ദേശിച്ചു. മകളെ കാണാനാകുമെന്നാണ് വിശ്വാസമെന്നും യമന് ഹൈക്കോടതി നടപടി അപ്രതീക്ഷിതമെന്നും നിമിഷയുടെ അമ്മ പറഞ്ഞു.
