കേരളം
സജി ചെറിയാനെതിരായ പരാമര്ശം തിരുത്തി റാപ്പര് വേടന്
തിരുവനന്തപുരം: മന്ത്രി സജി ചെറിയാനെതിരായ പരാമര്ശം തിരുത്തി റാപ്പര് വേടന്. മന്ത്രി അപമാനിച്ചതായി കരുതുന്നില്ലെന്നും കലാകാരന് എന്ന നിലയില് അംഗീകരിക്കുകയും അഭിനന്ദിക്കുകയും ചെയ്ത ആളാണ് മന്ത്രിയെന്നും വേടന് പറഞ്ഞു. തന്നെയും തന്നെപ്പോലെ സ്വതന്ത്ര കലാകാരന്മാര്ക്കും ഒരുപാട് എഴുതാനും സംഗീതം ഉണ്ടാക്കാനും അവസരം നല്കുന്നതാണ് അവാര്ഡെന്നും അദ്ദേഹം പറഞ്ഞു. വേടന് പോലും ചലച്ചിത്ര അവാര്ഡ് നല്കി എന്ന സംസ്കാരിക മന്ത്രി സജി ചെറിയാന്റെ വാക്കുകള് അപമാനിക്കുന്നതിന് തുല്യമാണെന്ന് വേടന് നേരത്തെ പറഞ്ഞിരുന്നു.
