ധനകാര്യം
ബില് ഡെസ്കിനെ ഏറ്റെടുത്തു പ്രൊസസ്
ഇന്ത്യന് പേമെന്റ് രംഗത്തെ പ്രമുഖ സ്ഥാപനമായ ബില് ഡെസ്കിനെ ഡച്ച് ടെക് ഭീമനായ പ്രൊസസ് ഏറ്റെടുത്തു. ഏകദേശം 35,000 കോടി രൂപയുടേതാണ് ഇടപാട്. പേയുവിനോട് ബില്ഡെസ്കിനെ കൂട്ടിച്ചേര്ക്കാനാണ് പ്രൊസസിന്റെ തീരുമാനം. പേയു ശൃംഖല വിപുലീകരിക്കുന്നതിന്റെ ഭാഗമായാണ് കമ്പനി ബില്ഡെസ്കിനെ ഏറ്റെടുത്തത്. ഇന്ത്യയില് പേയു സേവനങ്ങള്ലഭ്യമാണെങ്കിലും ബില്ഡെസ്കാണ് വ്യാപകമായി ഉപയോഗിച്ചിരുന്നത്.
ഇന്ത്യക്കാരുടെ സാമ്പത്തിക ഇടപാടുകള് ഇനി ഡച്ചുകാരാകും നിയന്ത്രിക്കുക. ബില്ഡെസ്കിനെ സ്വന്തമാക്കിയതോടെ ഇന്ത്യയെന്ന സ്വപന വിപണിയാണ് ഡച്ച് കമ്പനിക്കു ലഭിക്കുന്നത്.
ഇന്ത്യയില് അടുത്തിടെയായി ഡിജിറ്റല് ഇടപാടുകളില് വന് വര്ധനയാണ് രേഖപ്പെടുത്തുന്നത്. ഡിസംബറോടെ ഇന്ത്യയുടെ ഓദ്യോഗിക ഡിജിറ്റല് കറന്സിയും പുറത്തെത്തുമെന്നാണു സൂചന. ഇതോടെ ഡിജിറ്റല് ഇടപാടുകള് കുതിച്ചുയരും. പേയുവിനെ സംബന്ധിച്ചടത്തോളം ഇന്ത്യയിലെ കാര്യങ്ങള് അനുകൂലമാണ്. ഓണ്ലൈന് പേമെന്റ് രംഗത്ത് ഏറ്റവും കൂടുതല് ഉപയോഗിക്കപ്പെടുന്ന ഗേറ്റ്വേ ആണ് ബില്ഡെസ്ക്. ഇ-കൊമേഴ്സ് പേമെന്റ് രംഗത്താണ് പേയുവിന്റെ സ്ഥാനം.
