കേരളം
സൈബര് ആക്രമണക്കേസ്: കെ.എം. ഷാജഹാന് ജാമ്യം
തിരുവനന്തപുരം: സി.പി.എം. നേതാവ് കെ.ജെ. ഷൈനിനെതിരായ സൈബര് ആക്രമണക്കേസില് കെ.എം. ഷാജഹാന് ജാമ്യം. എറണാകുളം സിജെഎം കോടതിയാണ് കെ.എം. ഷാജഹാന് ജാമ്യം അനുവദിച്ചത്. അറസ്റ്റില് പൊലീസ് നടപടിയെ ചോദ്യം ചെയ്തുകൊണ്ടാണ് കോടതി ജാമ്യം അനുവദിച്ചത്. 25000 രൂപയുടെ ബോണ്ട് അടക്കമുള്ള ഉപാധികളോടെയാണ് ജാമ്യം അനുവദിച്ചത്. ജാമ്യത്തിലിറങ്ങിയശേഷം തെളിവുകള് നശിപ്പിക്കരുതെന്നും സമാനമായ കുറ്റകൃത്യം ആവര്ത്തിക്കരുതെന്നും കോടതി ഉത്തരവില് വ്യക്തമാക്കി.
കേസില് ജാമ്യം ലഭിച്ചതിന് പിന്നാലെ പ്രതികരണവുമായി കെ.എം. ഷാജഹാന് രംഗത്തെത്തി. തന്റെ വാദങ്ങള് കോടതി അംഗീകരിച്ചതില് സന്തോഷമുണ്ടെന്ന് പറഞ്ഞ ഷാജഹാന് ഒരു കുറ്റവും ഒരു തെറ്റും ചെയ്തിട്ടില്ലെന്നും പറഞ്ഞു.
