കേരളം
മള്ട്ടിപ്ലക്സുകളില് സൗജന്യ കുടിവെള്ള ലഭ്യത ഉറപ്പുവരുത്തണമെന്ന് കോടതി
എറണാകുളം: മള്ട്ടിപ്ലക്സുകളില് പുറത്തുനിന്നുള്ള ഭക്ഷണ പാനീയങ്ങള് അനുവദനീയമല്ലെങ്കില്, സൗജന്യ കുടിവെള്ള ലഭ്യത ഉറപ്പുവരുത്തണമെന്ന് എറണാകുളം ജില്ലാ ഉപഭോക്തൃ തര്ക്ക പരിഹാര കോടതി. ഈ സൗകര്യം വൃത്തിയോടെയും ശുചിത്വത്തോടെയും നിലനിര്ത്തണമെന്നും, സൗജന്യ കുടിവെള്ളം ലഭ്യമാണെന്ന് ഉപഭോക്താക്കളെ അറിയിക്കുന്ന ബോര്ഡുകള് സ്ഥാപിക്കണമെന്നും കോടതി പി.വി.ആര്. സിനിമാസിന് നിര്ദ്ദേശം നല്കി. മള്ട്ടിപ്ളക്സില് പുറത്തുനിന്നുള്ള ഭക്ഷണ പാനീയങ്ങള് കൊണ്ടുപോകുന്നത് നിരോധിച്ചതിനും തിയേറ്ററിനുള്ളിലെ ഭക്ഷണസാധനങ്ങള്ക്ക് അമിതവില ഈടാക്കുന്നു എന്നും കൊച്ചിയിലെ പി.വി.ആര്. സിനിമാസിനെതിരെ കോഴിക്കോട് സ്വദേശി നല്കിയ പരാതിയിലാണ് ഉത്തരവ്.
