കേരളം
സംസ്ഥാനത്ത് വേനല്മഴ സാധ്യത തുടരുന്നു
തിരുവനന്തപുരം: കൊടും ചൂടിന് ആശ്വാസമായി സംസ്ഥാനത്ത് വേനല്മഴ സാധ്യത തുടരുന്നു. അതേസമയം, ഉയര്ന്ന താപനില മുന്നറിയിപ്പും തുടരുന്നുണ്ട്. സാധാരണയെക്കാള് രണ്ട് മുതല് മൂന്ന് ഡിഗ്രി വരെ താപനില ഉയരാന് സാധ്യതയുണ്ടെന്നാണ് മുന്നറിയിപ്പ്. ഇന്നലെ കണ്ണൂര് എയര്പോര്ട്ടിലാണ് സംസ്ഥാനത്ത് ഏറ്റവും ഉയര്ന്ന താപനില രേഖപ്പെടുത്തിയിരിക്കുന്നത്.
ഒരു ജില്ലയിലും പ്രത്യേക മഴ മുന്നറിയിപ്പില്ലെങ്കിലും കൂടുതലിടങ്ങളില്, പ്രത്യേകിച്ച് തെക്കന്, മധ്യ കേരളത്തില് വേനല്മഴ പ്രതീക്ഷിക്കാം. കണ്ണൂര്, കാസറഗോഡ് ജില്ലകളില് 38 ഡിഗ്രി വരെ താപനില ഉയരാം. കോഴിക്കോട്, മലപ്പുറം, തൃശൂര്, പാലക്കാട് ജില്ലകളില് 37 ഡിഗ്രി വരെ താപനില ഉയരാം.
അതേസമയം, തിരുവനന്തപുരം ജില്ലയില് കനത്ത വേനല് മഴയുണ്ടായി. അരുവിക്കര ഡാമിന്റെ വൃഷ്ടി പ്രദേശത്ത് മഴ തുടര്ന്നതിനാല് ഉച്ചകഴിഞ്ഞു 3.30ന് ഒന്നു മുതല് അഞ്ച് വരെയുള്ള ഷട്ടറുകള് 10 സെന്റി മീറ്റര് വീതം ഉയര്ത്തി. ഡാമിന്റെ കരകളില് താമസിക്കുന്നവര് ജാഗ്രത പാലിയ്ക്കണമെന്ന് ജില്ലാ കളക്ടര് അറിയിച്ചു. തിരുവനന്തപുരം, കൊല്ലം ജില്ലകളില് യെല്ലോ അലെര്ട്ട് പ്രഖ്യാപിച്ചു.
