സിനിമ
സെന്സര് ബോര്ഡ് പ്രദര്ശനാനുമതി നിഷേധിച്ചതില് പ്രതിഷേധം
തിരുവനന്തപുരം: സുരേഷ് ഗോപി ചിത്രം ജെ.എസ്.കെയ്ക്ക് സെന്സര് ബോര്ഡ് പ്രദര്ശനാനുമതി നിഷേധിച്ചതില് പ്രതികരണവുമായി ഫെഫ്ക ജനറല് സെക്രട്ടറി ബി ഉണ്ണികൃഷ്ണന്. സിനിമ പേര് മാത്രമല്ല ജാനകി എന്ന കഥാപാത്രത്തിന്റ പേരും മാറ്റണമെന്ന് കേന്ദ്ര സെന്സര് ബോഡ് പറഞ്ഞിട്ടുണ്ടെന്ന് ഉണ്ണികൃഷ്ണന് പറയുന്നു. സുരേഷ് ഗോപിയുമായി സംസാരിച്ചുവെന്നും അദ്ദേഹം നേരിട്ട് ഇടപെട്ടെന്നാണ് പറഞ്ഞതെന്നും എന്നിട്ടും മാറ്റമില്ലെന്ന് പറഞ്ഞെന്നും ബി. ഉണ്ണികൃഷ്ണന് പറഞ്ഞു.
അതേസമയം, സുരേഷ് ഗോപി നായകനായ ജാനകി v/s സ്റ്റേറ്റ് ഓഫ് കേരള എന്ന ചിത്രത്തിന് അനുമതി നിഷേധിച്ച കേന്ദ്ര സെന്സര് ബോര്ഡ് നടപടിയെ പരിഹസിച്ച് മന്ത്രി വി. ശിവന്കുട്ടി രംഗത്തെത്തി. ‘സെന്സര് ബോര്ഡോ, സെന്സില്ലാ ബോര്ഡോ’ എന്നാണ് കേന്ദ്ര സെന്സര് ബോര്ഡ് നടപടിയെ പരിഹസിച്ച് വിദ്യഭ്യാസ മന്ത്രി ഫേസ്ബുക്കില് കുറിച്ചത്. കഴിഞ്ഞ ദിവസമാണ് ‘ജെ.എസ്.കെ. ജാനകി v/s സ്റ്റേറ്റ് ഓഫ് കേരള’യുടെ പ്രദര്ശനത്തിനാനുമതി നിഷേധിച്ച് സെല്സര് ബോര്ഡ് നടപടി വിവാദമാകുന്നത്
